Níu mánaða fangelsi fyrir að hóta og slá lögreglumann

24 ára karlmaður var í Héraðsdómi Reykjavíkur í dag dæmdur til níu mánaða fangelsisvistar fyrir brot gegn valdstjórninni en hann hótaði lögreglumanni lífláti og sló hann í andlitið.

Maðurinn rauf með þessi skilorð en hann var í desember 2005 dæmdur í fjögurra mánaða fangelsi fyrir líkamsárás.

Maðurinn neitaði sök og félagi hans studdi við þann framburð en framburður tveggja lögreglumanna þótti nægja til ná fram sönnun í málinu og dæma manninn.

Brotin sem hann var dæmdur fyrir áttu sér stað í ágúst 2005 en lögreglumaðurinn lagði ekki fram kæru vegna málsins fyrr en einu ári síðar.

Samkvæmt frásögn lögreglumannsins veittist maðurinn að honum með hótanir eftir að bíll sem hann var farþegi í var stöðvaður. Á meðan lögreglan hafði afskipti af ökumanni bifreiðarinnar reiddist maðurinn mjög. Hann hóf að hóta lögreglumanninum og sló hann svo í andlitið. Hann var þá yfirbugaður og færður á lögreglustöð.