Búist við að McLeish taki við skoska landsliðinu

Reiknað er með að tilkynnt verði um það nú klukkan ellefu að Alex McLeish taki við sem landsliðsþjálfari Skota í knattspyrnu en skoska knattspyrnusambandið hefur þá boðað til blaðamannafundar.

McLeish tekur við af Walter Smith sem ráðinn var stjóri skoska stórliðins Glasgow Rangers fyrr í mánuðinum. Fram kemur á vef breska ríkisútvarpsins að reiknað sé með að Andy Watson, sem var aðstoðarmaður McLeish hjá Motherwell, verði honum innan handar við stjórnvölinn hjá skoska landsliðinu og þá eru Gary McAllister og Roy Aitken einnig nefndir þar til sögunnar.