Komið verði á fót safni með kaldastríðsupplýsingum fyrir alla

Nefnd, sem skipuð var til að fjalla um aðgang að opinberum gögnum um innra og ytra öryggi landins á árunum 1945-1991, leggur til að komið verði á fót sérstöku öryggismálasafni sem bæði fræðimenn og almenningur hafi aðgang að.

Þetta kom fram á blaðamannafundi í dag þar sem skýrsla nefndarinnar var kynnt og tillögur hennar um aðgang að gögnunum. Með fram skýrslunni er lagt fram tillaga að frumvarpi sem tekur á málinu.

Gert er ráð fyrir samkvæmt tillögum nefndarinnar að safnið geymi öll skjöl og heimildir sem snerta innra og ytra öryggi Íslands á árunum 1945-1991 önnur en persónulegar upplýsingar. Fræðimenn fá ótakmarkaðan aðgang en almenningur takmarkaðan. Fram kom á fundinum að langmestur hluti gagnanna sé nú í vörslu utanríkisráðuneytisins.

Þar kom einnig fram að rannsóknir nefndarinnar, sem vann undir forystu Páls Hreinssonar lagaprófessors, styddu það sem þegar hefði komið fram um hleranir á Íslandi en lögð áhersla var á það að lögregla hefði ekki beitt hlerunum nema í samstarfi við Póst og síma.

Þá kom fram að gögnum um hleranir í vörslu lögreglunnar og Útlendingastofnunar hefði að mestu verið eytt árið 1976.

Hægt er að nálgast skýrsluna í heild sinni hér.