Ýmis leyfi í veitinga- og gistigeira verða rekstrarleyfi

Veitinga- og gistileyfi, áfengisveitingaleyfi og skemmtanaleyfi verða sameinuð í eitt leyfi undir nafninu rekstarleyfi samkvæmt frumvarpi sem Sturla Böðvarsson samgönguráðherra kynnti á ríkisstjórnarfundi á morgun. Jafnframt er lagt til að yfirstjórn mála sem lúta að veitinga- og gististöðum verði færð frá samgönguráðuneyti til dómsmálaráðuneytis.

Fram kemur á vef samgönguráðuneytisins að markmið frumvarpsins sé að einfalda leyfisveitingar í atvinnugreininni og verður boðið upp á rafrænar umsóknir og gagnaöflun í tengslum við það þar sem það á við.

Gert er ráð fyrir að gildistími rekstrarleyfis verði fjögur ár

og lagt til að hægt verði að endurnýja leyfið án þess að fram þurfi að fara umfangsmikil gagnaöflun eða umsagnaferli eins og núgildandi lög gera ráð fyrir, hafi rekstur verið í lagi á leyfistíma.

Þá er lögreglu samkvæmt frumvarpinu gert skylt að loka stöðum sem stunda starfsemi sem ekki er rekstrarleyfi fyrir eða samrýmast ekki gildandi rekstrarleyfi.