Fáir brutu af sér á stærstu gatnamótum landsins

Einungis 107 ökumenn af rúmlega 31.500 sem óku yfir gatnamót Kringlumýrarbrautar og Miklubrautar frá fimmtudegi til mánudags óku of hratt samkvæmt upplýsingum frá lögreglunni.

Hún var með vöktun á gatnamótunum og fylgdist með bílum sem var ekið Kringlumýrarbraut í suðurátt og yfir fyrrnefnd gatnamót. Aðeins 0,03 prósent ökumanna óku of hratt og var meðalhraði hinna brotlegu var tæplega 77 kílómetrar á klukkustund en þarna er 60 km hámarkshraði. Sá sem hraðast ók var mældur á 98.

Samkvæmt þessari vöktun virðist vera gott ástand á gatnamótunum. Samhliða var einnig fylgst með því hvort ekið væri gegn rauðu ljósi á þessum gatnamótum. Fjórtán ökumenn reyndust sekir í þeim efnum og er það sömuleiðis afar lágt hlutfall.