Pétur Pétursson aðstoðar Ólaf

Pétur Pétursson hefur gengið að boði Ólafs Jóhannessonar landsliðsþjálfara að gerast aðstoðarlandsliðsþjálfari. Pétur staðfesti þetta í samtali við fréttastofu Stöðvar 2 í dag.

Pétur sagði jafnframt að þessi beiðni Ólafs hefði komið sér í opna skjöldu því hann og Ólafur hefðu aldrei áður unnið saman og þekktust frekar lítið en þeir hefðu reyndar horft saman á nokkra leiki í Landsbankadeildinni í sumar.

Pétur segir þetta mikinn heiður fyrir sig og hann geti ekki skorast undan ef honum tekst að samræma þjálfarastarfið aðalatvinnu sinni sem ljósmyndari.

Pétur lék sjálfur 41 landsleik á sínum tíma og skoraði 11 mörk, hann gerði garðinn frægan með ÍA, Feyneoord, Anderlecht, Royal Andwerp, Hercules og KR og gerði KR að Íslandmeisturum árið 2000.

Hann hefur þjálfað yngri flokka undanfarin ár, nú síðast 2. flokk Breiðabliks.