Sól í Straumi vilja ekki Capacent Gallup

Samtökin Sól í Straumi eru ósátt við að fyrirtækið Capacent Gallup, hafi verið valið af Hafnarfjarðarbæ sem óháður kynningaraðili, í aðdraganda kosninga um stækkun álversins í Straumsvík.

Capacent Gallup hefur undanfarna mánuði unnið fyrir Alcan vegna fyrirhugaðrar stækkunar og meðal annars framkvæmt skoðanakannanir. Samtökin segja Capacent Gallup hafa unnið með Alcan að því markmiðið að fá stækkun álversins samþykkta hjá bæjarbúum.

Sól í Straumi skora á bæjaryfirvöld að endurskoða þessa ákvörðun sína þar sem heiðarleg og málefnaleg kynning á stækkunarmálinu verður að vera hafin yfir alla gagnrýni.