Fyrrverandi starfsmaður segir ekkert harðræði hafa verið

Fyrrverandi starfsmaður á Breiðuvík segir engan hafa verið beittan harðræði, svo hann viti til, á fyrsta starfsári Þórhalls Hálfdánarsonar. Drengirnir hafi búið við góðan aðbúnað.

Eiríkur Hjartarson var 22 ára gamall ráðinn til kennslu að Breiðavík haustið 1964, sama ár og Þórhallur Hálfdánarson varð forstöðumaður vistheimilisins. Þórhallur er sá starfsmaður skólans sem hefur verið sakaður um að hafa beitt drengi hvað mestu harðræði.

Þarna var góður aðbúnaður segir Eiríkur, gott bókasafn og smíðastofa. Hann segir fangaklefann sem fyrrum vistmenn hafa talað um ekki hafa verið notaðan þennan vetur sem hann starfaði á staðnum.