Gillespie biðst afsökunar

Keith Gillespie hefur beðist opinberlega afsökunar á að hafa lent í slagsmálum við liðsfélaga sinn hér á Íslandi. Atvikið gerðist eftir landsleik Íslands og Norður-Írlands á miðvikudaginn þegar leikmenn norður-írska liðsins voru á leið heim.

Gillespie lenti í handalögmálum við George McCartney. „Þessi framkoma mín var algjörlega óásættanleg. Þetta átti aldrei að gerast," sagði Gillespie sem skoraði sigurmarkið í umræddum leik, því miður fyrir hann í rangt mark.

Írska knattspyrnusambandið ætlar að rannsaka þetta mál en formaður sambandsins hefur þegar fengið afsökunarbeiðnina í hendurnar.