Halastjarna sést frá Íslandi

Ný halastjarna birtist óvænt á himni nú eftir áramótin og sést vel með berum augum frá Íslandi kvölds og morgna í dag og næstu daga. Halastjarnan, sem heitir McNaught (eða C/2006 P1), er á leið gegnum innri hluta sólkerfisins. Þegar hún fer næst sólu verður hún helmingi nær sólu en Merkúr, sem er sú pláneta sólkerfisins, sem næst er sólu. Búist er við því að hún verði álíka björt á himni og Venus.

Sést fram til 14. janúar

Ef himinn er heiðskír á hún að sjást fram til 14 janúar í rétt fyrir sólarupprás og rétt eftir sólsetur. Á morgnana sæist hún rétt suður af há-austri rétt yfir sjóndeildarhring. Á kvöldin er hún hins vegar rétt yfir sjóndeildarhreingnum í vesturátt.

McNaught heitir eftir Robert H. McNaught, sem uppgötvaði halastjörnuna í ágúst s.l. með Uppsala Schmidt stjörnusjónaukanum á Siding Spring fjalli í Ástralíu. Halastjarnan kemur mönnum á óvart. Erfitt hefur verið að ná mælingum af henni sökum þess að hún hefur leynst bakvið sólina.

Nánari upplýsingar og myndir á spacewaether.com