Ísraelar redduðu Englendingum

Ísrael vann í dag 2-1 sigur á Rússlandi í undankeppni EM 2008. Sigur Rússa hefði þýtt að England hefði þurft að treysta á sigur Andorra gegn Rússum á miðvikudag til að eiga möguleika á að komast í úrslitakeppnina í Austurríki og Sviss á næsta ári.

En England er enn í öðru sæti E-riðils með 23 stig, tveimur stigum á undan Rússum. Úrslitin þýða að Króatar eru sjálfkrafa komnir áfram á EM á næsta ári, sama hver úrslits leiks Króatíu og Makedóníu verða í kvöld.

Það eru líka góðar fréttir fyrir Englendinga því þeir verða helst að vinna Króatíu á miðvikudaginn til að komast í úrslitakeppnina. Króatar hafa í raun að engu að keppa í þeim leik. 

Elyaniv Barda kom Ísraelum yfir á 10. mínútum en Rússar jöfnuðu snemma í síðari hálfleik. Varamaðurinn Omer Golan tryggði svo Ísrael sigurinn í uppbótartíma.