Crouch vill grafa vélmennið

Stærsta stund Peter Crouch á ferlinum með enska landsliðinu er þegar hann tók "róbótinn" þegar hann fagnaði marki sínu í vináttu leik gegn Ungverjum fyrir HM 2006. Hinn leggjalandi framherji vill gjarnan bæta öðru eftirminnilegra atviki í safnið.

Hann fær mjög líklega tækifæri til þess ef hann verður einn í framlínu Englendinga í leiknum gegn Króötum á Wembley annað kvöld. Crouch segist muna vel eftir sögulegu marki David Beckham gegn Grikkjum árið 2001 þegar hann tryggði liðinu sæti á HM og vill sjálfur ná að setja slíkt mark á feril sinn með þeim hvítklæddu.

"Ég man eftir Grikkjaleiknum og hvernig Beckham bjargaði okkur. Ég væri mjög vel til í að gera eitthvað slíkt sjálfur. Ég væri líka til í að hafa skorað eitthvað af þessum mikilvægu mörkum sem Owen hefur skorað fyrir Englendinga á stórmótum. Maður velur sig auðvitað ekki sjálfur í landsliðið en ég er stoltur af minni markaskorun," sagði Crouch sem hefur skorað 13 mörk í 23 landsleikjum.

"Ég hef enn ekki fengið tækifæri til að spila leik með landsliðinu þar sem það er allt eða ekkert og á miðvikudaginn fæ ég þetta tækifæri," sagði Crouch.