Eiður í byrjunarliðinu gegn Rangers?

Eiður Smári Guðjohnsen er í leikmannahópi Barcelona í kvöld sem mætir Glasgow Rangers í Skotlandi. Vonir standa til að Eiður verði loksins í byrjunarliði Barcelona en hann leysti Deco af hólmi um síðustu helgi er Portúgalinn meiddist og stóð sig vel.

Það verður áhugavert að sjá hvernig Barca gengur gegn Rangers, sem kom mjög á óvart með því að leggja Lyon að velli í síðustu umferð, 3-0, og hefur ekki tapað síðustu átta leikjum sínum í keppninni.

Manchester United mætir Dynamo Kiev í Úkraínu. Nemanja Vidic ætti að koma aftur inn í vörn United eftir meiðsli en Louis Saha er enn fjarri góðu gamni vegna meiðsla. Hjá Kiev eru allir leikmenn heilir nema fyrrverandi framherji Tottenham, Sergei Rebrov.

Leikir kvöldsins

Stuttgart - Lyon E-riðill

Rangers - Barcelona E

Dynamo Kiev - Man. Utd F

Roma - Sporting Lisbon F

CSKA Moskva - Inter G

PSV - Fenerbahce G

Sevilla - Steaua H

Arsenal - Slavia Prag H