Vesturlandsvegur verði tvöfaldaður frá Kjalarnesi til Borgarness

Gert er ráð fyrir tvöföldun Vesturlandsvegar frá Kjalarnhesi til Borgarness í drögum að vegaáætlun sem nú er til umræðu í þingflokkum ríkisstjórnarflokkanna. Þetta hefur Skessuhorn eftir heimildarmönnum sínum. Á vef Skessuhorns kemur fram að upphaflega hafi verið gert ráð fyrir 2+1 vegi á þessari leið en í fyrradag hafi þingmönnunm borist ný útgáfa áætlunarinnar þar sem gert er ráð fyrir tvöföldun vegarins.

Samkvæmt áætluninni er gert ráð fyrir að kostnaður við verkið í heild verði sex milljarðar króna en ekki liggur fyrir með hvaða hætti framkvæmdirnar verða fjármagnaðar. Skessuhorn segir þó að nefnt sé í áætluninni að það verði gert með sérstökum hætti.