Grétar líklega í KR

Allar líkur eru á því að Grétar Sigfinnur Sigurðsson gangi til liðs við KR samkvæmt heimildum Vísis.

Sjálfur vildi hann ekki gangast við því í samtali við Vísi.

„Það er ekkert staðfest í þessum efnum," sagði hann en viðurkenndi að hann ætti í viðræðum við aðeins eitt félag þessa stundina.

„Það á enn eftir að ganga frá ýmsum atriðum beggja vegna borðsins."

Grétar er uppalinn hjá KR en hefur síðustu fjögur ár leikið með Víkingi ef frá er talið eitt tímabil með Val sumarið 2005.