Arroyo ekki hólpin enn

Öryggissveitir á Filippseyjum hafa girt af höfuðstöðvar landgönguliðs hersins yfirmanni þess hefur verið vikið úr embætti. Hann hvatt í dag Filippseyinga til að hafa að engu bann við fjöldasamkomum í landinu og styðja meinta landráðamenn.

Svo virðist sem Gloria Arroyo, forseti Filippseyja, sé enn ekki hólpin þó fregnir hafi borist af því á föstudag að tekist hefði að koma í veg fyrir valdarán sem hafi átt að fremja þann dag. Fjölmargir háttsettir menn í hernum voru þá teknir höndum í tengslum við ráðabruggið.

Arroyo lýsti yfir neyðarástand í landinu en gekk þó ekki svo langt að setja herlög. Fjöldafundir voru bannaðir í landinu en í gær voru tuttugu ár frá því einræðisherranum Ferdinan Marcos var komið frá völdum.

Ariel Querubin, yfirmaður sérsveita í landinu var rekinn á föstudag þar sem hann mun hafa gegnt lykilhlutverki í valdaránsáætluninni þó opinberlega sé því haldið fram að hann hafi látið af störfum að eigin ósk. Í dag var svo Renato Miranda, yfirmaður landgönguliðs Filippseyja, rekinn og annar maður skipaður í hans stað.

Miranda hvatti landa sína til að virða að vettugi bann við fjöldafundum og koma sama til að styðja við bakið á Querubin. Margir urðu við hvatningu Miranda og komu saman fyrir utan höfuðstöðvar landgönguliðsins í morgun, þar á meðal mun Corazon Aquino, fyrrverandi forseti Filippseyja, hafa verið.