Hamas-liðar vilja vinna með Abbas

Líkur eru á að Mahmoud Abbas, forseti Palestínumanna, segi af sér takist honum ekki fá Hamas-samtökin, sigurvegara þingkosninganna í síðasta mánuði, til að fara að kröfum alþjóðsamfélagsins.

Abbas var gestur í fréttaþætti á bresku sjónvarpsstöðinni ITV í gær. Þar gaf forsetinn það í skyn að hann myndi láta af embætti ef honum tækist ekki að fá Hamas-liða til að fara að kröfum vesturveldanna.

Abbas hvatti einnig ríki heims til að sýna þolinmæði og gefa liðsmönnum Hamas færi á að átta sig á þeirri stöðu sem þeir væru í nú sem ráðandi afl í palestínsku heimastjórninni. Það bæri engan árangur að króa þá af með miklu offorsi og skerða framlög til stjórnarinnar.

Í viðtalinu lýsti Abbas Ismail Haniey, forsætisráðherraefni Hamas-samtakanna, sem rökvísum manni. Haniyeh sagði í dag Hamas-liðar vildu vinna með Abbas.