Poll ætlar að verða harður á HM

Graham Poll, milliríkjadómari frá Englandi sem mun dæma á HM sem byrjar í vikunni segir að hann ætli að vera með skýra og harða línu í dómgæslu sinni. Hann segir að hart verði tekið á leikmönnum sem eru að fara viljandi í menn bara til að brjóta á þeim.

" Aðalmálið er að taka út þessi ljótu brot og óþarfa sem vill stundum koma upp. Við verðum að vernda þá leikmenn sem eru spila og skemmta fólkinu. Fólk vill sjá fallega og skemmtilega keppni. Það er í okkar höndum að sjá til þess," sagði Poll.