Árás Maóista hrundið

Öryggissveeitum í Nepal tókst í dag að hrinda árás mörg hundruð Maóista á litla borg í austur hluta landsins. Árásin hófst í nótt og skiptust uppreinsar- og hermenn á skotum í nokkrar klukkustundir.

Þegar upp var staðið lágu fimm Maóistar og einn öryggissveitarmaður í valnum. Maóistar hafa náð miklum hluta landsbyggðar Nepals á sitt vald en uppreisn þeirra hefur staðið í áratug og hafa um þrettán þúsund manns fallið í átökum.

Enn hefur verið sett á útgöngubann í höfuðborginni Katmandu í dag, þar sem tugþúsundir hafa undanfarna daga mótmælt alræðisvaldi Gyanendra konungs.