Bauð ókeypis brjóstaskoðun án þess að vera læknir

Lögreglan á Florída handtók í gær mann á áttræðisaldri sem hafði gengið hús úr húsi í gervi læknis og boðið konum uppá ókeypis brjóstaskoðun. Upp um manninn komst þegar kona sem hann var að skoða grunaði að eitthvað misjafnt væri á ferðinni þegar maðurinn bað hana um að fara úr öllum fötunum og hóf að skoða kynfæri hennar án þess að nota latexhanska. Tvær aðrar konur féllu fyrir bragði gamla mannsins sem nú hefur verið kærður fyrir kynferðislega misnotkun á konunum.