Pyntaður til að bendla aðra við árásir

Indónesískur öfgamaður, sem bíður aftöku fyrir aðild sína að hryðjuverkaárásunum á Balí 2002, segir að hann hafi verið pyntaður til að bendla Abu Bakar Bashir, andlegan leiðtoga íslömsku öfgasamtakanna Jemaah Islamia, við árásirnar. Amrozi Nurhasyim bar þetta fyrir rétti í gær en dómtóll á Indónesíu tekur nú fyrir áfrýjun Bashirs sem var í fyrra dæmdur í tveggja og hálfs árs fangelsi fyrir að leggja á ráðin um árásirnar sem urðu tvö hundruð og tveimur að bana. Lögregla á Indónesíu hefur hafnað ásökunum um að hún hafi pyntað þá rúmlega þrjátíu öfgmenn sem voru handteknir vegna árásanna.