Sprengjuhótun í flugvél Ryanair

Prestwick-flugvelli, rétt fyrir utan Glasgow í Skotlandi, var lokað í dag en farþegaflugvél var beint þangað vegna sprengjuhótunar. Áhöfn vélarinnar barst miði sem á stóð að búið væri að koma sprengju fyrir í vélinni. Tvær þotur breska flughersins fylgdu vélinni síðasta spölinn og síðan fengu farþegarnir, sem voru á annað hundrað, að fara frá borði. Lögregla leitar nú sprengjunnar og yfirheyrir farþega. Engin sprengja hefur fundist og ekki vitað til þess að nokkur hafi verið handtekinn. Vélin er af gerðinni Boeing 737 og í eigu lággjaldaflufélgasins Ryanair. Hún var á leið frá París til Dyflinnar.