Atlaga gerð að fjölmiðlum í Kenía

Stjórnvöld í Kenía hafa viðurkennt að hafa í gærkvöldi sigað öryggislögreglu sinni á höfuðstöðvar eins stærsta fjölmiðlafyrirtæksis landsins. Vopnaðir og grímuklæddir lögreglumenn réðust þá inn í KTN-sjónvarpsstöðina og stöðvuðu útsendingu hennar í nokkrar klukkustundir á meðan annar slíkur flokkur brenndi tugþúsundir eintaka af Standard-dagblaðinu, en sömu eigendur eru að því og KTN. Stjórnvöld segja þessa miðla kynda undir ólgu í landinu en þeir hafa gagnrýnt Mwai Kibaki forseta Kenía harðlega fyrir spillingu. Sendiherrar nærri 30 landa sem aðsetur hafa í Kenía fordæmu í kvöld þessi harkalegu viðbrögð ríkisstjórnarinnar og segja þau ólýðræðisleg.