Vinna harðar að auðgun úrans

Íranar vinna nú harðar en nokkru sinni að auðgun úrans, og halda áfram að hundsa fyrirspurnir kjarnorkueftirlitsmanna. Þetta kemur fram í nýrri skýrslu Alþjóða kjarnorkumálastofnunarinnar. Aðeins tæpar tvær vikur eru síðan Íranar hófu notkun á tíu nýjum skilvindum í því augnaamiði að auðga úran. Með tilliti til þess hve lítinn samstarfsvija Íransstjórn hafi sýnt, sé alls ekki hægt að fullyrða að tilgangurinn sé með öllu friðsamlegur. Eftir rétt rúma viku verður mánaðar langur frestur sem Írönum var gefinn til að gera hreint fyrir sínum dyrum liðinn. Þá skilar Alþjóða kjarnorkumálastofnunin skýrslu um kjarnorkuþróun Írana og í framhaldi af henni verður tekin ákvörðun um hvort rétt sé að grípa til aðgerða gegn Íran í öryggisráði Sameinuðu Þjóðanna.