Göran Sonnevi hlýtur bókmenntaverðlaun Norðurlandaráðs

Sænska skáldið Göran Sonnevi hlýtur bókmenntaverðlaun Norðurlandaráðs í ár fyrir ljóðasafnið Úthafið eða Oceanen. Þetta var í sjötta sinn sem Svíar tilnefndu Sonnevi til bókmenntaverðlaunanna en þau verða afhent á fimmtugasta og áttunda þingi Norðurlandaráðs í Kaupmannahöfn í haust.

Rithöfundarnir Auður Jónsdóttir og Kristín Marja Baldursdóttir voru tilnefndar af Íslands hálfu, Auður fyrir bókina "Fólkið í kjallaranum" og Kristín Marja fyrir "Karítas - án titils".