Neyðarástand á Filipseyjum

Gloria Arroyo, forseti Filipseyja, lýsti yfir neyðarástandi í landinu í morgun eftir að fregnir bárust af því að valdamenn í hernum hafi ætlað að velta henni úr sessi í dag.

Auk þess söfnuðust íbúar í höfuðborginni, Manila, saman í morgun til að mótmæla ástandinu í landinu. Fólki hafi verið bannað að koma saman á tiltekinni götu í borginni en það bann var virt að vettugi. Til átaka kom þegar lögregla reyndi að dreifa mannfjöldanum.

Tveir fyrrverandi forsetar landsins hafa verið hraktir frá völdum í almennum mótmælum íbúa, þeir Ferdinand Marcos og Joseph Estrada.