Stærsta rán í sögu Bretlands?

Allt að fimm milljörðum íslenskra króna var rænt úr geymslu Securitas í Kent í Englandi í gær. Féð er í eigu Seðlabanka Englands. Talsmaður Englandsbanka greindi frá því í gærkvöld að Securitas hefði endurgreitt bankanum 25 milljónir punda, jafnvirði þriggja milljarða króna. Tekið var þó fram að ef fengur ræningjanna væri stærri myndi fyrirtækið greiða það sem upp á vantaði. Ræningjarnir voru sex talsins og dulbúnir sem lögreglumenn. Talið er að ránið sé hið stærsta í Bretlandi til þessa.