Innflytjendalöggjöf í Hollandi hert

Innflytjendur sem hyggjast setjast að í Hollandi þurfa að standast tungumála- og menningarpróf áður en þeir fá að koma til landsins, samkvæmt nýjum innflytjendalögum sem taka gildi um næstu mánaðamót.

Samkvæmt þeim þurfa innflytjendur að taka prófið í heimalandi sínu og greiða jafnvirði um 25 þúsunda króna fyrir það, en þeir þurfa að sækja allt að 375 tíma í hollenskri tungu og menningu til þess að fá að taka það. Lögin, sem eru ein þau ströngustu í Evrópu, ná einungis til innflytjenda utan Vesturlanda og er ætlað að tryggja að fólk aðlagist hollensku samfélagi, en spenna í landinu milli kristinna og múslíma í landinu hefur magnast í kjölfar morðsins á kvikmyndagerðarmanninum Theo van Gogh árið 2004.