Ráðherrar Likud segja sig úr stjórn

Þrír ráðherrar úr Likudbandalaginu sögðu sig í dag úr ísraelsku ríkisstjórninni. Búist er við að fjórði og síðasti ráðherra flokksins segi af sér embætti á ríkisstjórnarfundi næsta sunnudag.

Benjamin Netanjyahu, formaður Likud, skipaði ráðherrum flokksins að segja sig úr stjórninni í dag, sama dag og prófkjör er haldið í flokknum.

Ísraelskir fjölmiðlar greina frá því að Shimon Peres, fyrrum utanríkisráðherra og fyrrum formaður Verkamannaflokksins, verði skipaður utanríkisráðherra fram yfir þingkosningar sem verða haldnar 28. mars næst komandi.