Stofnandi Enron bar vitni

Kenneth Lay, stofnandi orkufyrirtækisins Enron, bar í dag vitni í fjársvikamáli sem hefur verið höfðað gegn honum vegna gjaldþrots fyrirtækisins. Hann neitaði því að hafa logið að fjárfestum um fjárhagsstöðu fyrirtækisins.

Fyrirtækið var stofnað árið 1985. Það var í júlí 2004 sem Ley var ákærður fyrir að hafa látið falsa bókhald fyrirtækisins og fyrir að hafa gert leynilega samninga til að fela skuldir þess. Rannsókn á Ley var afar umfangsmikil og tók þrjú ár. Enron fór á hausinn árið 2001 þegar upp komst um falsanirnar.

Fyrir gjaldþrotið var Enron talið sjöunda stærsta fyrirtæki Bandaríkjanna og höfðu ásakanir um bókhaldssvindl þá mikil áhrif á verðbréfamarkðinn þar í landi. Við gjaldþrotið urðu misstu mörg þúsund manns atvinnuna og fjölmargir fjárfestar töpuðu samanlagt mörgum milljörðum bandaríkjadala.

Það var svo í dag sem Ley bar vitni og sagði hann gjaldþrot fyrirtækisins sem hann stofnaði hafa valdið honum meiri langvarandi sársauka en ástvinamissir. Hann neitaði því enn sem fyrr að hann hefði logið að fjárfestum um fjárhagsstöðu Enron um leið og það rann á hausinn. Ley og verjendum hans var mikið í mun að sýna það að hann væri iðinn og hefði hagnast vel en hann hefði ekki brotið gegn lögum.