Enn mótmælt í Nepal

Enn einn daginn í röð fylktu mótmælendur liði í Katmandú, höfuðborg Nepals. Andófsmennirnir höfðu útgöngubann yfirvalda að engu heldur reyndu að komast inn á bannsvæði í miðborginni þar sem konungshöllin er. Fjölmennt lið hermanna og lögreglu reyndi að hafa hemil á fólkinu og var gúmmíkúlum og táragasi óspart beitt. Sem fyrr var fólkið að lýsa andúð sinni á stjórnarháttum Gyanendra konungs sem undanfarið ár hefur farið með alræðisvald í landinu. Fyrir helgi rétti hann fram sáttahönd en andstæðingum hans fannst of skammt gengið.