Á fimmta tug liggur í valnum

Stjórnarherinn í Pakistan situr ekki auðum höndum á meðan George Bush Bandaríkjaforseti er þar í heimsókn. Síðastliðna tvo sólarhringa hefur hann átt í heiftarlegum átökum við skæruliða sem sagðir eru hliðhollir talibönum í Waziristan-héraði, nærri afgönsku landamærunum. Sjónarvottar segja bardaga hafa staðið linnulaust í alla nótt og þegar eldaði af degi lágu 46 skæruliðar í valnum og fimm hermenn. Óstaðfestar heimildir segja mannfall þó mun meira. Hundruð fjölskyldna úr nálægum þorpum hafa lagt á flótta enda lítið útlit fyrir að lát verði á bardögunum í bráð.