Mótmæli afboðuð í Nepal

Andstæðingar Gyanendra konungs í Nepal hafa sagst munu hætta mótmælum gegn honum sem hafa staðið vikum saman eftir að konungurinn lofaði að vinna náið með uppreisnarmönnum kommúnista.

Bandalag sjö flokka sem verður í meirihluta þegar þingið kemur saman á ný í næstu viku, sagðist einnig myndu semja um vopnahlé við vopnaða flokka Maóista þegar ný ríkisstjórn hefur verið mynduð.

Gyanendra konungur lýsti því yfir á mánudag að þing myndi koma saman á ný, enda var hann undir miklum þrýstingi frá mótmælendum og alþjóðasamfélaginu. Hann boðaði einnig kosningu sérstaks þings sem mun vinna að endurskoðun stjórnarskrár landsins.