Mikil flóð í norðurhluta Ástralíu

Hundruðir manna hafa þurft að flýja heimili sín í bænum Katrínu í Norðurfylki Ástralíu vegna mikilla monsúnrigninga sem hafa geysað þar síðustu daga. Víða hafa hús farið á kaf vegna flóðsins og talið er að tjónið nemi milljónum króna. Þá hafa þjóðvegir í nágrenni Katrínar víða farið í sundur vegna flóðanna. Norðurfylkið hefur óskað eftir að ríkið komi til bæjarbúum til aðstoðar en um 600 manns dvelja í fjórum neyðarskýlum. Flóðin vekja upp vondar minningar fyrir fólk á þessum slóðum en árið 1998 urðu mikil flóð vegna monsúnrigninga sem kostuðu fjóra lífið og um helmingur bæjarbúa missti heimili sín vegna flóðanna. Veðurfræðingar spá áframhaldandi rigningu næstu daga.