Bono og Geldof tilnefndir til friðarverðlauna Nóbels

Rokksöngvararnir eru Bono og Bob Geldof eru meðal þeirra sem tilnefndir eru til friðarverðlauna Nóbels í ár. Þeir eru í hópi 191 einstaklings og hóps sem tilnefndur er en báðir hafa látið sig málefni þriðja heimsins varða. Verðlaunin eru afhent 10. desember í Osló ár hvert en hvorki Bono né Geldof þykja þó eiga mikla möguleika á þeim þar sem Nóbelsnefndin reynir oft að vekja athygli á framlagi fólks sem er lítt þekkt. Listinn yfir hina tilnefndu er leynilegur en þeir sem hafa rétt til að tilnefnda fólk til verðlaunanna geta þó greint frá tilnefningum sínum.