Líðan Sharons hefur versnað

Líðan Ariels Sharon, forsætisráðherra Ísraels, hefur versnað til mikilla muna í morgun. Þórir Guðmundsson, fréttamaður NFS, er nýlentur í Jerúsalem þar sem hann fylgist grannt með þróun mála. Hann segir allt í mikilli óvissu um líðan Sharons. Eftir heilaskanna í morgun komu í ljós blæðingar og var ráðherrann þá fluttur með hraði í aðgerð þar sem þurfti að tappa vökva af heilanum.

Sharon var fluttur á sjúkrahúsið á miðvikudag, rúmum tveimur vikum eftir að hann fékk minniháttar heilablóðfall. Nánast er talið útlikokað að hann muni eiga afturkvæmt í stjórnmál. Eftir heilablóðfallið í desember sögðu læknar Sharon, sem er 77 ára, vera allt of þungan en að öðru leyti við nokkuð góða heilsu. Aðstoðarforsætisráðherra Ísrael, Ehud Olmert, hefur tekið við völdum sem forsætisráðherra