Stjórnarandstæðingar fá að bjóða fram í Nepal

Gyanendra, konungur Nepals, hefur ákveðið að leyfa stjórnarandstöðuflokkum í landinu að bjóða fram eigin forsætisráðherraefni. Hann segir þó að starfandi ríkisstjórn verði áfram við völd enn um sinn.

Nepal hefur logað í óeirðum í rúman hálfan mánuð og hafa fjórtán fallið í átökum við öryggissveitir á þeim tíma. Mótmælendur hafa krafist þess að konungur afsalaði sér alræðisvaldi sem hann tók sér fyrir rétt rúmu ári þegar hann rak þáverandi ríkisstjórn, að sögn til að stemma stigu við uppreins maóista í landinu.

Konungur ávarpaði þjóð sína í dag þar sem stefndi í óeirðir á götum höfuðborgarinnar Katmandú annan daginn í röð. Fjórir féllu í átökum við öryggissveitir í gær.