Lausna leitað í milliríkjadeilu milli Japan og Suður-Kóreu

Tilraun verður gerð í dag til að leysa þá milliríkjadeilu sem upp er komin á milli Japans og Suður-Kóreu. Málið varðar eyjaklasa og hafssvæðið þar í kring sem bæði ríki gera tilkall til. Uppnám skapaðist á dögunum þegar japönsk stjórnvöld lýstu því yfir að þau hygðust senda skip í könnunarleiðangur um svæðið, því ráðamönnum í Suður-Kóreu líst síður en svo vel á þá ráðagerð. Suður-Kóreumenn hafa meðal annars sent tuttugu vopnum búin skip og báta á svæðið. Talsmaður stjórnvalda í Tókýó segir að ef áhafnir japönsku skipanna verði á einhvern hátt hindruð við störf sín mun verða litið á það brot á alþjóðalögum. Deilurnar eru sagðar endurspegla þá spennu sem fari vaxandi í Austur-Asíu varðandi tilkall ríkja í þessum heimshluta til land- og hafsvæða.