Flugvél lent á Prestwick-flugvelli vegna sprengjugabbs

Engin sprengja fannst um borð í flugvél lággjaldaflugfélagsins Ryanair sem beint var á Prestwick-flugvöll rétt utan við Glasgow í Skotland í dag. Um gabb var að ræða.

Flugvél félagsins er af gerðinni Boeing 737 og var á leið frá París til Dyflinnar. Á leiðinni fann maður í áhöfn vélarinnar miða undir einu sætinu þar sem á stóð að búið væri að koma sprengju fyrir um borð.

Var vélinni þá þegar beint á Prestwick flugvöll sem er nokkuð fyrir utan Glasgow í Skotlandi. Tvær þotur frá breska flughernum fylgdu henni síðasta spölinn.

167 farþegar voru um borð og fengu þeir, auk áhafnar, að fara frá borði skömmu eftir að vélin lenti. Lögreglumenn og sprengjusérfræðingar leituðu sprengjunnar í dágóða stund og yfirheyrði alla sem um borð voru.

Þegar þeir höfðu leitað af sér allan grun var ljóst að um gabb var að ræða. Olli þetta nokkrum töfum og þurfti að aflýsa flugferðum. Einnig var bannað að fljúga yfir flugvellinum í einhvern tíma.