Tilboð sem Íranar geti ekki hafnað

Evrópusambandið ætlar að gera Írönum tilboð sem Javier Solana, utanríkismálastjóri sambandsins, segir að þeim muni reynast erfitt að hafna. Hann segir tilboðið djarft og gert í þeirri von að hægt verði að binda enda á kjarnorkudeilu Írana við vesturveldin.

Þeim yrði tryggð aðstoð í efnahags- og kjarnorkumálum og jafnvel einnig í öryggismálum. Solana segir að það verði erfitt fyrir Írana að hafna tilboðinu sé það vilji þeirra að nýta kjarnorku til raforkuframleiðslu en ekki til að framleiða vopn.

Utanríkisráðherra Evrópusambandsins funda nú í Brussel þar sem kjarnorkudeilan við Írana verður eitt helsta umræðuefnið.