Donald Rumsfield gaf leyfi

Donald Rumsfeld, varnarmálaráðherra Bandaríkjanna, gaf leyfi til að brjóta niður fanga á niðurlægjandi hátt í Guantanamo-fangelsinu á Kúbu, neituðu þeir að tala. Þetta segir blaðið Washington Post í dag. Í nýlegri skýrslu bandaríska hersins, um meint harðræði í yfirheyrslum yfir föngum, kemur meðal annars fram að fangi í Guantanamo hafi verið neyddur til að setja nærbuxur af kvenmanni á höfuð sér og honum ógnað með urrandi hundi. Donald Rumsfeld, varnarmálaráðherra Bandaríkjanna, gaf leyfi fyrir aðferðunum. Þetta kemur fram í bandaríska dagblaðinu Washington Post í dag. Sérfræðingar á vegum hersins, sem rannsakað hafa ásakanir um meint harðræði við yfirheyrslur fanga í Guantanamo segja aðferðirnar ágengar, en að þær heyri ekki undir pyntingar. Í blaðinu segir, að bandarískir hermenn hafi talið það viðurkenndar aðferðir að beita fanga niðurlægjandi harðræði við yfirheyrslur, þær hafi ekki verið þeirra eigin hugmynd, en fundist það í lagi, því þær teldust eðlilegar.