Skutu palestínska byssumenn

Ísraelskir hermenn skutu þrjá Palestínumenn til bana nærri bænum Jenín á Vesturbakkanum í nótt í leit sinni að herskáum uppreisnarmönnum. Að sögn ísraelska hersins skutu tveir byssumenn, sem taldir voru félagar í Íslamska Jihad, á hermennina sem svöruðu með skothríð. Hins vegar segja palestínsk vitni að herinn hafi skotið mennina tvo þar sem þeir földu sig uppi í ólífutré. Þriðji maðurinn féll á skotbardaga við ísraelska hermenn í Jenín, en palestínsk yfirvöld segja hann hafa verið félaga í Al-Aqsa herdeildunum. Þá handtóku ísraelskir hermenn 12 grunaða uppreisnarmenn í þremur byggðum á Vesturbakkanum. Spennan á milli Ísraela og Palestínumanna hefur aukist undanfarna daga og hefur fyrirhugðum fundi Sharons, forsætisráðherra Ísraels, og Abbas, forseta Palestínu, sem fara átti fram um helgina, verið frestað af þeim sökum