Kjartan lýkur ferðalagi sínu

Kjartan Jakob Hauksson ræðari kom til Reykjavíkur á árabát sínum nú á þriðja tímanum. Nokkur fjöldi fólks beið hans við Ægisgarð og fagnaði honum vel þegar hann steig á land. 92 dagar eru liðnir frá því hann lagði af stað úr Bolungarvík 4. júní sl og alls 109 dagar ef reiknaður er með sá tími sem tók hann að róa á Rödd hjartans frá Reykjavík í Rekavík bak Látur fyrir tveimur árum. Kjartan Jakob lagði upp í ferðina til þessa að hvetja hreyfihamlaða til að láta drauma sína um að ferðast innanlands sem utan rætast og safna peningum í hjálparliðasjóð Sjálfsbjargar. Nú þegar hafa safnast þrjár og hálf milljón króna.