Enn mikil flóð í Kína

Að minnsta kosti 225 manns hafa farist eftir mikil flóð í suðurhluta Kína að undanförnu. Björgunaraðgerðir fara fram bæði dag og nótt en heilu þorpin hafa þurrkast út á svæðinu. Flóðin hafa haft áhrif á yfir 17 milljónir manna og hafa um 140 þúsund heimili eyðilagst vegna þeirra. Árlega deyja hundruð manna vegna flóða í suðurhluta landsins en nú er rigningartímabil í landinu. Yfirvöld hafa lagt um 10 milljónir dollara eða sem nemur um 650 milljónum íslenskra króna í sjóð sem nota á til að byggja upp þorpin á ný þegar flóðin eru yfirstaðin.