Kvöld í Hveró - Halli Reynis

Annað kvöld, föstudag, verður hleypt af stokkunum  skemmtilegri tónleikaröð í Hveragerðiskirkju,  "Kvöld í Hveró". Þarna er um að ræða sex konserta þar sem margir af ástsælustu listamönnum úr heimi dægurtónlistar koma fram. Sá sem fyrstur stígur á stokk í tónleikaröðinni er hinn fádæma flotti trúbador Halli Reynis sem hefur undanfarin misseri sungið sig inn að hjartarótum íslensku þjóðarinnar. Halli Reynis er Reykvíkingur  sem á ættir sínar að rekja í Dalasýslu og Borgarfjörð. Hann hefur alla sína tíð búið í borginni utan þau fjögur ár sem hann dvaldist  í Danmörku.  Hann lærði fyrstu gripin á gítarinn ellefu ára gamall en lagði hljóðfærið fljótlega á hilluna en  tók þráðinn upp að nýju um nítján ára aldurinn.  Halli byrjaði ungur að semja texta og tók síðar til við að semja lög eftir því sem honum óx ásmegin í gítarkunnáttunni.  Allar götur síðan hafa lög og textar  komið að sjálfu sér og má segja að sköpunin sé honum eðlislæg. Halli gaf út sinn fyrsta geisladisk 1993 og í dag eru þeir orðnir 5 talsins. Undir hömrunum háu (´93),  Hring eftir hring (´95), Trúbadúr (97),  Myndir (´00) og  Við erum eins (´04). Yfirlýst markmið tónleikaraðarinnar er að auka fjölbreytni í menningu á þessu svæði, opna augu almennings fyrir þeim möguleika að íslensk popptónlist eigi ekki síður heima í kirkju en klassíkin og gefa ungu og hæfileikaríku tónlistarfólki af svæðinu tækifæri til að að hita upp fyrir þá listamenn sem þar koma fram. Hljómburður í kirkjunni þykir sérstaklega góður. Aðstandandi  "Kvölds í Hveró" er Norsk-Íslenska Skjallbandalagið Inc. sem samanstendur af tveimur konum, Ásgerði Eyþórsdóttur og Monicu Haug.  Þær skipulögðu tónleika Jóns Ólafssonar tónlistarmanns í kirkjunni, þann 25. nóvember síðastliðinn, sem lukkuðust giftusamlega.  Ákváðu þær að halda láta alls ekki staðar numið að svo komnu. Þeir listamenn sem fram munu koma eru: 18. marsHalli ReynisHveragerðiskirkjaklukkan 21:0008. aprílValgeir GuðjónssonHveragerðiskirkjaklukkan 21:0022. aprílFabúlaHveragerðiskirkjaklukkan 21:0006. maíKK og EllenHveragerðiskirkjaklukkan 21:0020. maíEyfi og StefánSelfosskirkjaklukkan 21:0003. júníHljómsveitin HjálmarHveragerðiskirkjaklukkan 21:00 Tónleikar Eyfa og Stefáns Hilmarssonar verða haldnir í Selfosskirkju, í samvinnu við menningarhátíðina "Vor í Árborg"  sem fram fer helgina 20. til 22. maí n.k.  Skipulagning þeirrar hátíðar stendur nú yfir. Hótel Örk verður með tilboð í tengslum við alla tónleikana þar sem gisting með morgunverði og tónleikamiði kostar 4.900 krónur fyrir manninn í tvíbýli.