Aðalstræti 10 í upprunalegt horf

Borgaryfirvöld hyggjast gera samkomulag við Minjavernd um að hún taki Aðalstræti 10 til vörslu til 35 ára. Steinunn Valdís Óskarsdóttir borgarstjóri að húsið verðu endurbætt og fært í upprunalegt horf. Húsið við Aðalstræti 10 var reist á dögum Innréttinganna á 18. öld og er því eitt elsta hús borgarinnar. Það á sér um margt merkilega sögu og var meðal annars biskupssetur frá árinu 1807 til 1823. Þá bjó Geir Vídalín biskup í húsinu. Undanfarin ár hafa verið reknir veitingastaðir í húsinu. Nú síðast Jón Forseti, en sá staður varð gjaldþrota fyrir skömmu. Steinunn Valdís segir að með endurbótum á húsinu sé verið að ljúka endurgerð húsa við Aðalstræti. Búið er að gera ýmis hús upp við götuna eins og til dæmis Geysishúsið og Ísafoldarhúsið. Framhlið hótelsins á horni Túngötu og Aðalstrætis mun bera sama svipmót og húsin sem þar stóðu eins og til dæmis Fjalakötturinn.