Striplast fyrir ljósmyndara

1.700 manns söfnuðust saman og sviptu sig klæðum í bænum Gateshead við ánna Tyne í Norður-Englandi í gær til að sitja fyrir á ljósmyndum bandaríska ljósmyndarans Spencers Tunick. Margir voru komnir langt að, til dæmis frá Ástralíu og Mexíkó. Tunick er þekktur fyrir ljósmyndir sínar af stórum hópum allsnakins fólks. Hann hóf þessa iðju í New York árið 1992 en síðan hefur hann fengið fólk til að striplast fyrir sig í ýmsum stórborgum heimsins. Árið 2003 fékk hann 7.000 stípalinga til liðs við sig í Barcelona. Allir sem sitja fyrir hjá honum fá áritaða mynd að launum.