Mikill snjór í Danmörku

Einn maður lést og þrír slösuðust alvarlega þegar tveir bílar rákust saman vegna mikillar hálku í Danmörku í gær en snjóstormur sem farið hefur yfir Mið-Evrópu undanfarið er nú kominn þangað.  Slysið varð í Vordingborg, um eitt hundrað kílómetra frá Kaupmannahöfn. Snjór er nú orðinn allt að tveggja metra hár og hafa snjóruðningsfarartæki unnið dag og nótt við að greiða leiðir manna en yfirvöld í Danmörku hafa beðið fólk um að halda sig heima ef það mögulega getur vegna mikilla vinda og snjós en gert er ráð fyrir að veður lægi nú um helgina.