Fellibylurinn Emily í Mexíkó

Fellibylurinn Emily gengur nú sem stendur yfir Cancun í Mexíkó og hafast um þrjátíu þúsund ferðamenn við í neyðarskýlum. Alls hafa um hundrað og þrjátíu þúsund ferðamenn þurft að færa sig um set í Mexíkó síðan um helgina vegna fellibylsins og þar sem flugvöllum á svæðinu var lokað gátu margir þeirra sem hugðust yfirgefa svæðið hvergi farið. Fréttastofan hefur heimildir fyrir því að hópur íslenskra unglinga sé á staðnum og hafa þeir væntanlega verið fluttir í öruggt skjól eins og aðrir ferðamenn. Fellibylurinn náði allt að sextíu og fimm metrum á sekúndu seint í gærkvöldi og óttast er að hann valdi miklu tjón á Cancun.