Kanna hugsanlegan flugmiðaskatt

Fjármálaráðherrar átta helstu iðnríkja heims sömdu í dag um það að kanna möguleika á því að koma á sérstökum skatti á flugmiða sem á að renna til hjálparstarfs í Afríku. Ákvörðunin var tekin á fundi ráðherranna í Lundúnum þar sem einnig var ákveðið að fella niður skuldir fátækustu ríkja Afríku. Hans Eichel, fjármálaráðherra Þýskalands, sagði eftir fundinn að enginn starfsbræða hans innan samtaka átta helstu iðnríkja heims væri á móti hugmyndinnni og að unnið yrði að henni á næstunni. Það var Jacques Chirac Frakklandsforseti sem viðraði hugmyndina í upphafi árs en samkvæmt henni væri hægt að afla tíu milljarða dollara, 640 milljarða króna, á ári til baráttu gegn sjúkdómum eins alnæmi í Afríku með því að leggja eins dollara skatt á hvern farmiða. Hugmyndin hefur áður verið rædd innan Evrópusambandsins en mætti þar nokkurri andstöðu þrátt fyrir að um valfrjálsan skatt yrði að ræða.